talleres de arquitectura Alejandro de la Sota
De la Sota: Forma e Gravidade
O mes de abril arrinca co Día das Artes Galegas adicado este ano a Alejandro de la Sota (Pontevedra, 1913 – Madrid, 1996). Se trata dunha das figuras máis recoñecidas do Movemento Moderno en Galicia e un dos máis notables arquitectos españoles da segunda metade do século XX. A aparente sinxeleza dos seus deseños marcou a traxectoria de numeroso arquitectos e a súa concepción da Arquitectura como consecuencia da formulación dun problema real, está máis vixente ca nunca.
A Cidade da Cultura de Galicia súmase aos actos conmemorativos coa celebración o sábado 7 de abril de talleres familiares para coñecer a un dos mellores arquitectos do século pasado.
Liñas, formas e volumes
Un obradoiro participativo para coñecer a Alejandro de la Sota a través da experimentación coas formas, materiais e volumes do repertorio plástico e visual do arquitecto. Un taller que explora o significado da súa obra, así como a extraordinaria formulación espacial das súas solucións formais.
Obxectivos:
- Conectar aos nenos coa súa contorna
- Entender os edificios como un conxunto de forzas e tensións
- Identificar os tipos estruturais segundo a súa forma
- Recoñecer a de la Sota como o noso arquitecto moderno máis importante
Participantes: 30 nenos de 8 a 12 anos
A casa, historia dun cambio
Un taller familiar para coñecer o nacemento do Movemento Moderno en España da man da arquitectura de De la Sota, desde unha perspectiva dinámica e diacrónica.
Obxectivos:
- Coñecer o Movemento Moderno como unha ruptura arquitectónica co pasado a nivel internacional
- Descubrir as claves da arquitectura sotiana
- Xogar e manipular elementos espaciais
- Construir colaborativamente unha maqueta arquitectónica
Participantes: 20 parellas (neno de 6 a 12 anos cun adulto)